مشاهير /مشاهير العرب

زينة بالفيديو: أولادي منعوني من ارتداء الملابس المكشوفة

أكدت الفنانة زينة، إن نجليها التوأم "زين الدين وعز الدين" صارا يتحكما في الكثير من قراراتها، ومنها عدم ارتداء ملابس مكشوفة من عند الصدر وأشارت إلى أنها تحترم رأيهما للغاية، وتخلل اللقاء مفاجأة بعدما حاولا دخول موقع التصوير ولكنها رفضت ظهورهما واكتفت بنشر صورة لهما من الخلف.

زينة
أول ظهور لطفلي زينة - الصورة سكرين شوت من الفيديو
 

زينة المتواجدة برفقة طفليها في عطلة صيفية بمدينة دبي، أكدت خلال حوارها مع برنامج "et بالعربي": أولادي منعوني مثلا ألبس حاجة مفتوحة، عشان دي حتة المفروض محدش يشوفها، وأنا بعملهم أن جسمهم مينفعش حد يلمسه لأنه بقينا بنخاف على الأولاد زي ما بنخاف على البنات بالظبط.

 

 

تابعت: أنا بحترم رأي أولادي وبسمع كلامهم، واللي بيتكلم دايما ويتناقش ويدي أوامر وكده هو زين، واللي مبيتكلمش وبتاع حركات هو عز، وما شاء الله في واحد فيهم صوته حلو أوي، معرفش إزاي، واحد بيغني والتاني بيمثل".

 

أشارت زينة إلى إنها سافرت لمدينة دبي لتقضي إجازة الصيف بصحبة نجليها "زين الدين وعز الدين" وذلك لأول مرة منذ بدء انتشار جائحة كورونا.

 

أضافت زينة أنها كانت في السابق من تحدد اتجاه رحلتها، ولكن الأمر الآن أصبح في أيدي نجليها.

 

وأثناء حديث زينة اقتحم "زين الدين وعز الدين" قاعة التصوير، وطلبت زينة على الفور إيقاف التصوير وخاطبتهما قائلة: خشوا على جوه كده على طول، ماتطلعوش بره خالص.

 

وبررت زينة رغبتها في عدم ظهور طفليها قائلة: هما دلوقتي أطفال، خلوهم يعيشوا سنهم، لما يكبروا يبقوا يقرروا يظهروا أو لأ، وهما أوردي بدأوا ينتبهوا لتيك توك، وفي ناس كتير غيري مش بيظهروا أولادهم، وهما أبوهم وأمهم فنانين، وفي مشاكل حصلت زمان بيني وبين أبوهم وكده، وعشان كده مظنش أن ظهورهم هيبقى مفيد.

 

وتحدثت زينة عن سبب عدم زواجها مجددا، قائلة: في أجمل مني بكتير وما تجوزوش خالص، وأنا على الأقل جربت حظي مرة، مضيفة: أنا سعيدة وراضية جدًا وواخدة نصيبي 24 قيراط، وكل حاجة كويسة ما دام الصحة والستر موجودين خلاص.

 

وتابعت: ممكن حصلت لي حاجة مفيهاش حظ ادتني أحسن حاجة في حياتي، فخلاص الوحش راح وفضلنا بالحلو.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"

المزيد من مشاهير العرب

X