اكتب الكلمات الرئيسية فى البحث

المخرج مجدي الهواري ينتقد ظاهرة ضيوف الشرف: ستقضي على جيل كامل من النجوم

هل يستمع نجوم الكوميديا لنصيحة المخرج مجدي الهواري

وجه المخرج مجدي الهواري، انتقادا مباشرا لصناع الأفلام والمسلسلات المصرية بعد تكرار ظاهرة الاستعانة بنجوم الكوميديا للظهور كضيوف الشرف في الأفلام والمسلسلات المصرية مؤخرا، واصفا الفكرة ب "السخيفة والمملة" وحذر النجوم الشباب من فقدان بريقهم ومصداقيتهم بسبب ظهورهم المتكرر في مشاهد سطحية.

مجدي الهواري
مجدي الهواري يقارن بين ظاهرة نجوم الشرف في افلام الآن وسابقا

 

الهواري توقف أمام الظاهرة مقارنة بما كان يحدث في السينما المصرية بعصرها الذهبي وكتب عبر حسابه على الفيس بوك: في رأيي المتواضع ظاهرة ظهور الممثل أو الكوميديان، كضيف الشرف في مشهد في الفيلم أو المسلسل، أصبحت كتيرة أوي وسخيفة .. وبتفقد من بريقه كتير ومصداقيته، وبتخلص عليه وعلى مخزون الكاريزما لظهوره لو صح التعبير!.

مجدي الهواري
مجدي الهواري يحذر نجوم الكوميديا

وتابع: لأنها أصبحت بلا مبدأ، بصرف النظر عن شكل التواجد، أو الظهور ده عامل ازاي! وبتقلل من حجمه وحضوره، وحتى من أجره، وخصوصاً استخدام المشهد ده في الدعاية سوء كان بوستر الفيلم أو الإعلانات الفيلم أو حتى حلقة مكملش ضيف شرف فيها.

 

وواصل قائلا: وده ضد الفكرة أصلاً، فاكرين إنه استخدام وجوده إضافة.. غلط، بصرف النظر إنه ده ساعات يبقي backfire، أقولكم ازاي، لما أشوف الممثل ده في كل الإعمال، وفي كل الدعاية لهذه الأعمال، وعلى طول، وكلها وبشكل دايم، وبشكل يبدو إن هو أساسي فيها، أو بطلها، أو بطل من أبطالها، كده كأنه عمال بيحرق الشمعة.

 

وأضاف: الشمعة لا مؤاخذة يا سادة بتتحرق مرة واحدة، يبقى كده أنا للأسف بخلص على جيل كامل، وبعدين امتى هقدر أفكر فيه في البطولة!، وهو حرق كل البنزين وولع في التانك كمان.

 

واختتم كلامه قائلا: شوف الفرق لما كان بيعملها عمنا فطين عبد الوهاب في أفلامه مثلاً، وانت هتفهم أنا بقول إيه.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"