اعترف الفنان محمود العسيلي، بتفوق النجم تامر حسني على كل معاصريه من المطربين، بسبب اتقانه فنون التمثيل، مؤكدا أن نجاح تامر في السينما وضعه في مكانة خاصة وبعيدة عن كل أبناء جيله من المطربين.
وأشار العسيلي في لقاء ببرنامج "شيخ الحارة والجريئة" مع المخرجة ايناس الدغيدي على قناة القاهرة والناس، إلى أنه نجح في تجربته التمثيلية في فيلم "خليج نعمة" ولكن الأدوار التي عرضت عليه بعدها لم تكن مناسبة له.
أكد أنه لا يملك رفاهية الخضوع لكورسات متخصصة لتعلم التمثيل او تجربة نفسه في أعمال غير مضمون نجاحها، ولهذا قرر التركيز في الغناء فقط خلال الفترة الحالية، مضيفا: أنا عارف انا مركز في إيه ومش عايز ابقى مشتت وجربت خليج نعمة وانا نجحت فى التمثيل وقتها وبيعتبر من الكلاسيك.
وقال: من أقوى عوامل نجاح تامر حسني أنه شاطر في التمثيل وده فارق معاه جدا ومتفوق بيه علينا كلنا، وهو في حته ومنطقة مختلفة عننا تماما كمغنيين.
ورفض العسيلي، أي محاولة لمنع أو وقف مطربي المهرجانات خاصة وأنهم خلقوا لون جديد من الفن لمصر، قائلا: انا ضد منع أو وقف أو حجر وهما خلقوا لون لمصر، والكلمات اللي بيقولوها جاية من المجتمع، وأنا ضد الحجر على أي حد عشان الحاجة اللي بيقدمها وما دام الناس بتحبهم وبتسمعهم يبقوا ناجحين".
وأكد "العسيلى"، أن مطربي المهرجانات حققوا أرقام نجاح أضعاف ما يقدمونه هم من الطرب العادي، مضيفا: "بتوع المهرجانات حققوا اضعاف اللى احنا بنحققه وهما بيمثلوا حاجة مهمة ومينفعش نتجاهلها و90% من الشعب المصري بيسمعهم وارقاهم أضعاف اضعافنا.
وتابع: مطربي المهرجانات بقوا موضة ومعظمهم بيبقى تقليعة ولكن في ناس بتعمل حاجات كويسة زي أوكا واورتيجة والمدفعجية وحسن شاكوش"، مؤكدا أن الكثير منهم موهبين وجمال وبيمثلوا جزء مهم من ثقافة بلدنا اللي موجودة الآن، وأوضح أن البعض منهم قوي للغاية وسيستمر والباقي موضة وستختفي، مختتما "الجامد هيفضل مكانه.
لمشاهدة أجمل صور المشاهير زوروا أنستغرام سيدتي
